រឿង កូនសេដ្ឋីនិងស្តេចត្មាត 4K | by Airplane Tales Khmer

Follow us:
Facebook page:  https://www.facebook.com/AirplaneTales 

ដើម្បីទទួលបានវិដេអូថ្មីៗ សូមចុច subscribe our channel: https://www.youtube.com/channe....l/UCrGcgsIhO-n617WrI
sound effect : youtube royalty sound.
sound effect and background song: link:http://images.apple.com/legal/sla/docs/iMovie.pdf
partner: https://www.youtube.com/channe....l/UCIWZcE9h9J9e4lV78



khmer classic fairy tales is good for people who want to know about our nation classic story.
we also make the story from the khmer public school education book and each of it we have include good knowledge in it to help to student learn and more and enjoy the same time.

មានតំណាលថា មានសេដ្ឋីម្នាក់មានកូនស្រីមួយ គាត់តែងតែឱ្យកូនស្រីគាត់ ផ្ទុំម្លប់ លុះរួចពីផ្ទុំម្លប់ទៅ ថ្ងៃមួយនាងអផ្សុកខ្លាំងណាស់ ក៏គិតចង់សុំលាឪពុកចេញទៅកម្សាន្ត។
កូនសេដ្ឋី៖ ហូ៎យ ដូចជាធុញដល់ហើយបងចន្ទ័ ខ្ញុំចូលម្លប់ច្រើនថ្ងៃហើយ គិតចង់សុំពុកទៅលំហែកាយនៅឯសួនច្បារឆ្ងាយពីផ្ទះ ដើម្បីយកខ្យល់អាកាសម្តង។
បងចន្ទ័៖ ចាស៎អ្នកនាង! អ្នកនាងច្បាស់ជាធុញថប់ដូច្នេះហើយ ពីព្រោះអ្នកនាងនៅផ្ទុំម្លប់អស់ជាច្រើនថ្ងៃមកហើយ បើអ្នកនាងសុំលោកសេដ្ឋីទៅលែង សួរច្បារម្តងក៏ល្អម្យ៉ាងដែរ។
ឪពុក៖ មិងអីទេកូនពុក កូនទៅលេងខាងក្រៅលំហែអារម្មណ៌ម្តងចុះ។
កូនសេដ្ឋី៖ ចាស អរគុណពុក!
ឪពុកក៏យល់ព្រមអោយកូនទៅលំហែអារម្មណ៌នៅខាងក្រៅ តែបានអោយភិលាងនិងសេនាពីរបីនាក់ទៅជាមួយដែរ ដើម្បីជួយការពារផងដែរ។ កូនស្រីសេដ្ឋីមានឆ្កែខ្មៅមួយធំ ហើយចេះណាស់ វាស្រឡាញ់ម្ចាស់ ម្ចាស់វាទៅណាក៏ទៅជាមួយដែរ ពេលដើរកំសាន្តក្នុងសួនច្បារ ឆ្កែនោះក៏ទៅជាមួយនាងដែរ ។ 
និយាយពីស្តេចត្មាតវិញម្តង ស្តេចត្មាតអផ្សុកខ្លាំងណាស់ក៏គិតចង់លាប្រពន្ធចេញមកកម្សាន្តព្រៃ។ 
ស្តេចត្មាត៖ ឯងអើយ ចូរនៅចាំទីកន្លែងយើងឲ្យបានល្អត្រឹមត្រូវ ហើយមើលកូនចៅយើងអោយបានល្អផងណា បងចង់ហើរទៅលំហែរខាងក្រៅបន្តិច ហើយក្រែងមានចំណីអីយកមកធ្វើជាចំណីអាហារ ។
ប្រពន្ធស្តេចត្មាត៖ ព្រះពរព្រះអង្គ ព្រះអង្គយាងទៅចុះ។
ថាហើយស្ដេចត្មាតក៏នាំទ័ពយោធាត្មាតរបស់ខ្លួនហោះចេញមកលេងនៅក្នុងព្រៃ ក្រែងមានសត្វម្រឹគីម្រឹគា ណាងាប់គ្រាន់បានយក មកធ្វើជាចំណីខ្លួន ទ័ពថ្មាតទាំងអស់បានហោះទៅលើឡើងងងឹតមួយចំហៀងមេឃ ព្រោះវង់ត្មាតនេះច្រើនណាស់។ ពេលដែលត្មាតទាំងនោះហោះ ស្រាប់តែបានឃើញនាងពៅ ជាកូនសេដ្ឋីស្រែកច្រៀងរាំលេងក្នុងសួន។
កូនសេដ្ឋី៖ (ច្រៀង) ឡាៗៗៗ!
ពេលឃើញដូច្នោះ ស្ដេចត្មាតក៏ហើរបន្ទាបខ្លួន ឆ្វែលលិចឆ្វែលកើត។ ឌឺដងតាមសម្ដីសត្វ ហួចទៅកាន់មនុស្ស។ 
ស្តេចត្មាត៖ នាងអើយនាង!
កូនស្រីសេដ្ឋី៖ ហ្អ៎សំលែងអ្នកណា ត្មាតតើ!
ស្តេចត្មាត៖ នាងអើយឥឡូវ ឲ្យយើងស៊ីសត្វឆ្កែនេះមក ព្រោះយើងកំពុងតែដើររកចំណីអាហារ ។
កូនស្រីសេដ្ឋី មានសេចក្ដីខឹងជាខ្លាំងអំពីស្ដេចត្មាត ដែលប្រមាតចង់ស៊ីសត្វជាទីស្រឡាញ់របស់ខ្លួន
កូនសេដ្ឋី៖ នែ៎ក អាសត្វត្មាតផេះឆ្អេះ កុំមក និយាយសំដីកោងកាចមកលើយើង ឯងកុំមកជិតមនុស្សលោកអី ព្រោះឯងជាសត្វផេះឆ្អេះ អស់ឯងឆាប់ចេញអោយឆ្ងាយទៅ។
ដោយសារតែការសងដាក់ផ្លែដាក់ផ្កាគ្នាទៅវិញទៅមកធ្វើអោយស្តេចត្មាត ខឹងនឹងកូនស្រីសេដ្ឋីយ៉ាងខ្លាំង តែមិនដឹងធ្វើម៉េចក៏ត្រលប់ទៅកន្លែងវិញ។ ពេលមកដល់ទ្រនំវិញ ស្ដេចត្មាតកើតទុក្ខមិនសុខចិត្ត ចេះនឹកគុំខឹងនឹងសំដីកូនសេដ្ឋី ហើយក៏លួចចេញដោយសម្ងាត់មកតែម្នាក់ឯង លើកនេះមិនយកកូនចៅមកជាមួយទេ។ មកដល់ផ្ទះសេដ្ឋី ស្តេចត្មាតក៏ប្រែក្រឡាខ្លួនជាមនុស្សម្នាក់យ៉ាងស្រស់សង្ហា ហើយក៏ដើរចូលផ្ទះសេដ្ឋី។ 
ស្តេចត្មាត៖ សូមជំរាបលោកសេដ្ឋី ត្បិតខ្ញុំនេះជាមនុស្សកម្សត់ម្នាក់ កំព្រាគ្មានម្ដាយឪពុកទេ ក៏ប៉ុន្តែថ្ងៃមួយនោះខ្ញុំឃើញកូនលោកមហាសេដ្ឋីបានចេញទៅលេងនៅសួនច្បារ ហើយខ្ញុំបាទ ពេញចិត្តនឹងនាងណាស់ ដូចនេះខ្ញុំក៏បានសំរេចចិត្តមកចូលគាល់លោកសេដ្ឋី ដើម្បីចងស្ពានមានមេត្រីស្ដីដណ្ដឹងផ្ទាល់ពីលោកម្ចាស់តែម្ដង តើបានឬមិនបានលោកសេដ្ឋី?
ស្តេចត្មាតក៏សូទ្រធម៌មន្តអាគមគាថាដើម្បីបន្ទន់ចិត្តដល់សេដ្ឋីនីជាប្រពន្ធ និងលោកសេដ្ឋីជាឪពុក
 សេដ្ឋី៖ បើដូច្នោះមិនអីទេ បើអ្នកឯងពេញចិត្តនឹងកូនស្រីរបស់យើងហើយ យើងក៏មិនថាអីដែរបើអញ្ចឹងព្រមព្រៀងគ្នារៀបចំមង្គលកាតែម្ដងរទៅ។
 និយាយព្រមព្រៀងគ្នាហើយ សេដ្ឋីក៏បានរៀបចំផ្សំផ្គុំកូនដូចក្តីប្រាថ្នារបស់ស្តេចត្មាត ដល់ពេលរៀបការរួច មាណពស្តេចត្មាត នោះក៏នាំប្រពន្ធសុំលាឪពុកម្ដាយទៅលេងផ្ទះខាងស្រុករបស់ខ្លួនវិញម្តង។ តែតាមពិតគំនិតវាគិតថាបើកាលណាទៅដល់ពាក់កណ្តាលព្រៃស្ងាត់ ស្តេចត្មាតនិងស៊ីនាងកូនសេដ្ឋីជាការសងសឹក ឯនាងជាប្រពន្ធមិនបានដឹងអី្វឡើយ ស្តេចត្មាតក៏នាំប្រពន្ធចេញទៅ។ ពេលដើរដល់ដើមជ្រៃធំមួយ ស្តេចត្មាតក៏នាំប្រពន្ធអង្គុយសម្រាកនៅទីនោះ។
ស្តេចត្មាត៖ អូនចាំបងនៅទីនេះហើយកុំទៅណា បងនឹងទៅរកផ្លែឈើ មកអោយអូន
កូនសេដ្ឋី៖ ចាសបង។
ថ្មាតក៏ចេញពីព្រៃកំបាំងភ្នែកប្រពន្ធ ហើយក៏បានកាឡាខ្លួនទៅជាសត្វត្មាតវិញហោះវឹងទៅ ដើម្បីទៅកេណ្ឌទ័ពរបស់ខ្លួន មករកស៊ីនាងពៅ ។ នាងកូនសេដ្ឋីអង្គុយនៅក្រោមដើមជ្រៃម្នាក់ឯងស្រាប់តែអារុក្ខអារក្សទេវតាដែលនៅថែរក្សាដើមជ្រៃនោះ បញ្ចេញឮតែសំឡេងនិយាយប្រាប់ទៅនាង។
ទេវតាដើមជ្រៃ៖ នែ៎នាង នាងត្រូវដឹងខ្លួន។
កូនសេដ្ឋី៖ ហ្អ៎ សំលែងអ្វីមកពីណា
ទេវតាដើមជ្រៃ៖ នាងត្រូវប្រយ័ត្នខ្លួនឱ្យមែនទែន ព្រោះថាប្ដីនាងជាស្ដេចត្មាតទេ ឥឡូវនេះគេកំពុងតែទៅនាំទព័របស់គេមកស៊ីនាងហើយ 
កូនសេដ្ឋី៖ ហាស តាមពិតប្តីខ្ញុំជាស្តេចត្មាតក្រឡាខ្លួនទេ! 
ទេវតាដើមជ្រៃ៖ ដូច្នេះនាងត្រូវតែចេញឲ្យផុតពីកន្លែងនេះឱ្យលឿនទៅ !
ព្រោះថាស្ដេចត្មាត ហើយគេមានកែវត្មាតរបស់គេ គេអាចមើលដឹងតែនាងនៅទីណា ឥឡូវនាងត្រូវស្រូតចេញពីកន្លែងនេះ! ហើយដើរឆ្ពោះទៅទិសឥសាន្តទៅ បើឃើញមានដើមជ្រៃធំមួយទៀត ហើយមានរូងនៅទីនោះ នាងត្រូវស្រូតពួននៅក្នុងនោះទៅទើបបានសុខ ។ មិនអីទេនាង ចាំយើងតាមជួយថែរក្សានាង។
កូនសេដ្ឋី៖ ខ្ញុំសូមអរគុណទេវតាថែរក្សាដើមឈើនេះហើយ ខ្ញុំលាសិនហើយ!