រឿង ដើមកំណើតសត្វកូនលោក 4K | by Airplane Tales Khmer

Follow us:
Facebook page:  https://www.facebook.com/AirplaneTales 

ដើម្បីទទួលបានវិដេអូថ្មីៗ សូមចុច subscribe our channel: https://www.youtube.com/channe....l/UCrGcgsIhO-n617WrI
sound effect : youtube royalty sound.
sound effect and background song: link:http://images.apple.com/legal/sla/docs/iMovie.pdf
partner: https://www.youtube.com/channe....l/UCIWZcE9h9J9e4lV78



khmer classic fairy tales is good for people who want to know about our nation classic story.
we also make the story from the khmer public school education book and each of it we have include good knowledge in it to help to student learn and more and enjoy the same time.

មានបក្សីម្យ៉ាងហៅថា សត្វកូនលោក រូបរាងស្រដៀងនិងសត្វគ្រលីងគ្រលោង តែមានមាឌធំជាងគ្រលីងគ្រលោងបន្តិច សម្បុរវាក្រហមរទុះៗ ច្រើនអាស្រ័យនៅក្នុងព្រៃភ្នំ ឬព្រៃស្រោងស្រឹង សត្វនេះចាស់ៗខែ្មរយើងបាននិយាយតៗមកថា មានដើមកំណើតមកពីមនុស្ស ដូចមានរឿងដំណាលតទៅ។
កាលពីព្រេងនាយ មានកសិករពីរនាក់ប្តីប្រពន្ធ ជាមនុស្សក្រលំបាក មានកូនស្រីតូចៗ៣នាក់
កូនទី១ចេះដងទឹកដាំបាយ
កូនទី២ចេះនាំប្អូនដើរលេង
កូនទី៣ ចេះរត់លេង
ក្រោយពីពេលដែល ប្តី ស្លាប់ចោលទៅ នាងប្រពន្ធនៅមេម៉ាយជាមួយនិងកូនស្រី៣នាក់
តែងទៅកាប់អុស បេះបនែ្លទូលទៅលក់ឯផ្សាររាល់ថៃ្ង
ថៃ្ងមួយនាងបានទៅជួបនិងអ្នកលេងស៊ីផឹកម្នាក់ ដែលតែងតែដើរលួចឆក់
អ្នកដំណើរឆ្ងាយជិត បានលុយកាក់ យកមកស៊ីផឹកហ៊ឺហា
អ្នកលេងនោះកាលបើក្រឡេកឃើញនាងមេម៉ាយ ក៏សំដែងអាកប្បកិរិយាជាអ្នកគួរសមសួរនាងថា
ចោរ ៖ ហេ៎ ចុះនាងនៅភូមិណា? ឆ្ងាយឬអត់? ហេតុអ្វីក៏មិនឲ្យប្តីជួយរែកប្រឹងផ្ទុកទូលម្នាក់ឯងច្រើនម៉្លេស?
នាង ៖ "ខ្ញុំជាស្រីមេម៉ាយ ប្តីស្លាប់ចោលទៅ សព្វថៃ្ងក្រលំបាកណាស់ ប្រឹងកាប់អុស បេះបនែ្លលក់
គ្រាន់បាន ប្រាក់កាសបន្តិចបន្តួចយកទៅទិញអាហារចំណីឲ្យកូនស្រី៣នាក់បរិភោគ"។
ពោល ៖ លឺដូច្នោះ អ្នកលេងនឹកអរព្រួចក្នុងចិត្តគិតថា នាងនេះមេម៉ាយមែន
ប៉ុនែ្តមានរូបស្អាតគ្រាន់បើ គួរអញតាមទៅសួរដល់ ផ្ទះយកជាប្រពន្ធឲ្យបាន
ចោរ ៖ "នាង! ខ្ញុំមានចិត្តអាណិតនាងណាស់ ខ្ញុំសូមជូន១០កហាបណៈ សម្រាប់ទិញឥវ៉ាន់ផ្ញើរកូន"
នាង ៖ ចា៎ ! អរគុណណាស់ នៅសន្តានចិត្តល្អរបស់លោក
ពោល ៖ នាងមេម៉ាយក៏ទទួលយកភ្លាម ដោយសេចក្តីត្រេកអរ។
លុះលក់អុស និងបនែ្លអស់ហើយនាងត្រឡប់មកផ្ទះវិញ ឯអ្នកលេងក៏លបដើរមកតាមក្រោយ
ដើម្បីគន់មើលផ្ទះ លុះពេលព្រលប់ក៏ទៅជួបឯផ្ទះនាងនិយាយគ្នាត្រូវមាត់ហើយក៏យកគ្នា ជាប្តីប្រពន្ធទៅ
ចាប់តាំងពីថៃ្ងនោះមក បុរសអ្នកលេងតែងចេញទៅប្លន់អ្នកស្រុក ពីរបីថៃ្ងមកផ្ទះម្តងក៏មាន កន្លះខែមកម្តង ក៏មាន។
នាងជាប្រពន្ធមានមាសប្រាក់ចាយបរិបូរណ៍ ស្លៀកពាក់សុទ្ធតែរបស់ល្អៗ
រស់នៅជាមួយប្តីថ្មីយូរៗទៅ ក៏ទៅជាធំចិត្តក្តៅក្រហាយស្អប់កូនស្រីរបស់ខ្លួន ឃើញមុខកូនពេលណាចង់តែយកកាំបិតមកកាប់ឲ្យដាច់កទាំង៣នាក់ ពេលដាំស្លឆ្អិនហើយ នាំប្តីបរិភោគតែពីរនាក់ សល់បាយក្នុងឆ្នាំបន្តិចបន្តួច កូនទាំង៣នាំបងប្អូនកេះកាយស៊ី ខ្លះដេកលក់កែ្បរជើងក្រាន ខ្លះដេកលក់នៅលែ្វងផ្ទះខាងក្រៅ មូសខាំសុះពេលខ្លួន។
ពេលព្រឹកៗនាងនោះតាក់តែងខ្លួនប្រាណទៅស៊ីផឹកនៅឯផ្សារ ជាមួយប្តីរាល់ថៃ្ង។
កូនៗ៖ ម៉ែៗ កូនឃ្លានបាយណាស់ម៉ែ។ ម៉ែនហើយម៉ែ ឆាប់ទៅផ្ទះវិញ។
មិត្តភក្រ័ចោ៖ យី៎ កូននរណាគេហ្នឹង ហ្អា៎
នាងមេម៉ាយ៖ គឺកូនអ្នកនៅជិតៗនេះទេ៎
ចោ៖ ហ្អ៎ មែនហើយ
ថៃ្ងមួយប្តីមានចិត្តមិនសប្បាយចិត្ត នឹកឃើញរឿងអ្នកដ៏ទៃសួរថ្ងៃមុន ក៏បាននិយាយរំលឹកប្រាប់ប្រពន្ធ
ចោរ ៖ ”បងមានសេចក្តីអៀនខ្មាសនិងអ្នកជិតខាងខ្លាំងណាស់ ព្រោះអូននិងកូន ចេះតែមកតាមបងទៅស៊ីផឹកស៊ីនៅឯផ្សារ ដូចេ្នះបងសូមអង្វរចិត្តអូន សូមនៅផ្ទះថែទាំ កូនស្រីទាំង៣នាក់ចុះ។
ពោល : លឺប្តីនិយាយយ៉ាងនេះ នាងនោះគិតក្នុងចិត្ត
នាងមេម៉ាយ៖ (គិត) ”ប្តីអញគាត់ហ៊ឺហាណាស់ ពួកស្រីខូចក្នុងផ្សារស្គាល់គាត់ទាំងអស់។ បើអញបណ្តោយតទៅថៃ្ងមុខ គាត់នឹងបោះបង់អញពុំខានគួរអញរកឧបាយ សំលាប់កូនស្រីទាំង៣នាក់ចោល កុំឲ្យគាត់មានពាក្យចាក់ដោតថា ឲ្យអញនៅចាំផ្ទះព្រោះតែកូនឡើយ"។
ពោល : លុះដល់ខែពិសាខមានភ្លៀងធ្លាក់ជោគជាំ នាងនោះនិយាយបញ្ឆោតកូនថា
នាង : "កូនអើយ ! កាលឪពុកឯងរស់នៅ តែដល់រដូវនេះហើយ គាត់តែងនាំម្តាយទៅសាបព្រោះស្រូវនៅត្រពាំងទឹកក្នុងព្រៃ ជិតជើងភ្នំមាន ខ្ទមលំហដេកចាំស្រូវ សែ្អកនេះម្តាយនឹង យកស្រូវពូជទៅសាបព្រោះ ចូរកូនទៅដេកចាំចាបព្រាបលលក កុំឲ្យស៊ីស្រូវ"។
កូន៖ ចាស ម៉ែរ
លុះព្រឹកឡើងនាងនោះនាំកូនចូលទៅក្នុងព្រៃរហោឋានជិតជើងភ្នំ យកស្រូវទៅបាចសាច ក្នុងត្រពាំង រួចផ្តាំកូនថា
នាង :"នែហងរាល់គ្នា ត្រូវនៅចាំស្រូវ កុំទៅណាឆ្ងាយ កុំទៅផ្ទះ បើទៅអញវាយសំលាប់ ទាំងអស់នឹង”
កូនៗ៖ ហី ៗ ចាស៎ម៉ែ កូនដឹងហើយ
ពោល : ផ្តាំហើយនាងនោះទុកបាយឲ្យ១ចំអែតម្នាក់ អង្ករ៣ចាន ពោតបួនដប់គ្រាប់ កូនឆ្នាំងដីមួយ និងអំបិលប្រហុក បន្តិចបន្តួចដោយគិតថា "យប់នេះខ្លាវានឹងមកខាំស៊ី បើមិនស្លាប់ដោយខ្លាស៊ី ក៏គង់ស្លាប់ ដោយអត់បាយពុំខាន
ពោល : លុះផ្តាំកូនស្រេចហើយ ក៏ត្រឡប់មកផ្ទះវិញដេកចាំមើលប្តីមកពីរកស៊ី លុះប្តីមកដល់ក៏សួរថា
ប្តី : "កូនស្រី៣នាក់ទៅដើរលេងឯណាពុំឃើញមកផ្ទះ?
ប្រពន្ធប្រាប់ថា ៖ ខ្ញុំប្រើឲ្យទៅចាំ ស្រូវជាមួយចាស់ទុំជាច្រើន លុះស្រូវទុំទើបវាត្រលប់មកវិញ
ពោល : ចំណែកកុមារីទាំង៣នាក់ នាំបងប្អូនយកគ្រាប់ពោតទៅកប់តាមភ្លឺត្រពាំង ពេលយប់នាំគ្នាឡើងទៅដេកលើខ្ទម លឺសូរតែមាត់ដំរី ចចក ស្វាន ស្វា ស្រែកទ្រហឹងអឺងកងពេញព្រៃស្មសាន្ត
នាងបង មានសេចក្តីភិតភ័យញ័រខ្លួនដូចកូនសត្វ ស្ទើរគ្មានព្រលឹងនៅក្នុងខ្លួន តែលួងប្អូនៗកុំឲ្យយំ ព្រោះខ្លាចសត្វសាហាវទាំងនោះ វាមកខាំសម្លាប់។
ប្អូន៖ ហី ៗ ខ្ញុំខ្លាចណាស់បង ។ ខ្ញុំចង់ទៅផ្ទះយើងវិញបង។